Les histoires à proximité des cimetières de la Réunion.

Les histoires en créole sur ce site sont en majorité issues des histoires vécues. Il existe des centaines d'histoires que j'ai pu récupérer au cour des reportages anthropologigues, je vous fait profité de cette expérience en créole réunionnais. La facilité dont les personnes m'ont racontés est surprenant, je vous fait donc profité.

So bann ziswar la na in sèrtin lèr i spas, é na dé mwa lé pli ou mwin favorabl. é listwar in rodèr boutèl la nwit, sé in boug i di ké li la pa pèr aryin ditou mé solman so zour la li la giny lo sézisman son vi.

Dann son rodaz boutèy li romak in fanm dobout dopi in bon bout lotan koté simitir, la li fé pa tro in kont ansanm apré kat sin alé rotour touzour lo minm nafèr. Li déplas son loto in pé pli lwin sé konmsi lo fanm té rapros déli. Na in dout dann son tèt i pass, kosa in zinn fanm konsala i fé déor anplas dopi in bon bout lotan.

Tout lo bann loto i pass ifé pa in kont avèk sé konmsi zot i wa pa lo pèrsonn, sirtou li di dann son koko lozonm kan i wa in fanm konmsa tousèl tout-swit i rod po fé lo trin mé la lé ziska bizar. Pandan pli de dézèr lotan konmsala so rodaz boutèyl la fini lé 2 èr lo matin fo li rant son kaz la fatig i komans trap ali.

Li rouv son kof loto po ranz biyn lo bann boutèl vid, dèryèr son do li san konm na ninafèr dèyèr konm in moune trann rogard si son zépol. Li sé rotourn din sèl kou, é wala lo fanm lé zis dèryèr li dobout, i rogard ali dann zyé li la rès in ninstan konm paralizé, san konèt pi kosa fo fé, dopi lèr li té antrinn war lo tourné viré lo fanm, li sé pa domann kisa i pèrd ou kisa i giny li lé fèrm lo kof vitman, rant dann lo loto. Lo tan ké li mèt la klé dann lo kontak lo fanm fine ariv dobout koté la port kondiktèr pansé po rogard ali.

Malgé la pèr li la démaré fil anvitès présé po rant son kaz, li roul asé vit, in kilomètr pli lwi li wa touzour lo minm fanm dobout dann la krwazé somin konm po atann ali. Li kontiniyé son somin li roul vit minm fé pi in kont minm sanm lo kod de rout. Li travèrs sou lo pon krwazé Kadzi la Ravine blans lo fanm touzour la minm dann lo ron pwin. La tranblad si li li fons minm dirèksyon son kaz, tout sort kalité pansé i travèrs son tèt, li la zamé avar pèr konmsa dann son vi. Li kontiniyé touzour son somin dényé krwazé po ariv son kaz po in dèrnyé fwa li wa so fanm la dann la krwazé.

Lé inposib kin moun la aminn ali la, na insèl rout i fénwar, okin loto la dépas ali riyn koman la fé po ariz la, la tranblad té sitèman for, li ké té i krwa pa bondiyé, li la trouv lapriyèr je vous salut Matie sanm notre père po di. Lo dèrniyé fwa li la vi lo fanm sé dann so krwazé la.Kan li la raiv son kaz kapkap té si li kour dirèk dann la kaz rant dann li pi é bouzé, loto la limiyèr la oubli alimé pid batri lo landmin é krwa amwin pandan inkoup lotan li la pi parti rod boutèy. Sé lo sèl fwa li la vi so fanm la apréla la pi antandi parlé.