Sommaire langue

1983 - 0 1983 - 2 1983 - 3 1983 - 4 1983 - 5 1983 - 6

Lègzanp èk bann fraz:
Mwin la koup mwatyé in fouyapin.
Bann marmitlé si lo fwayé.
Bann kabri lé mor anpwazoné.
Mwin té twazé , kan mwin la pas konsèy po alé larmé.
Koman ansérvir lo g ^(aksan sirkonflèks si lo g ) èk n' anndan lékritir rényoné:
Rényoné.....Français
g ^.........ng
n'..........gn
Nou va ansérvir so bann lèt po ékri , bann mo konm:
g ^ : Papang^ - Parkig^ - Triyang^ - Lang^ n' : Montan' - Kanpan' - Sin'yé - Zwan'yon

>Koman nou pé konèt lèrk , in mo rényoné lé ékri èk son lartik.

Nou ékri in mo rényoné èk son "lartik" riyink lèrk nou pé ansèrv lartik "in" dovan lo mo , sinonsa lo pli souvan i fo nou ékri lartik dékolé èk lo mo.
Egzanp :
La kaz ( an rényoné nou giny pa di "in lakaz")
La zol (....)
Lavyon ( nou di in lavyon an rényoné , nou ékri "lavyon")
Lizine

Tré-dinyon.
Koman ansèrvir bann tré-dinyon anndan lékritir rényoné.
Nou ansèrv bann tré-dinyon anndan lékritir rényoné po ékri bann mo lé amaré ansanm.
Egzanp :
Pyé-d-mang^..Sin-dni
Grin-d-zak..Sint-sizane
Tré-dinyon sra osi ansèrvi po ékri bann vèrb lé ardoublé
Egzanp :
Tous-Tousé
Kas-Kasé
Gèt-Gété

Sak i fo konèt si bann vèrb rényoné:
Na bann vèrb lé ansèrvi dan lo tan "Prézan" i sanz pa.
Bann vèrb ansèrvi dan lézot tan i sanz èk in "é"
Prézan.........Fitir.................Pasé
Mi koz.........Ma kozé...............Mwin la kozé
Ou koz.........Ou va kozé............Ou la kozé
Li koz.........Li va kozé............Li la kozé
Nou koz........Nou va kozé...........Nou la kozé
Zot i koz......Zot va kozé............Zot la kozé

Tèrla nou partaz nout bann konésans po myé fé viv azot Larénion sinpléman.